Unha muller galega residente en Bruxelas comeza a escribir un diario por recomendación da psicóloga do hospital no que vai someterse a un tratamento de quimioterapia.

Trala súa morte, o seu marido le os cadernos e reconstrúe a historia dos últimos anos xuntos, coa esperanza de manter viva a memoria dela e así ser quen de pasar o dó.

Daniel Ugarte (Santiago de Compostela, 1981) é licenciado en Ciencias Políticas e especialista en Dereito da Propiedade Intelectual. Desde 2007 reside en Bruxelas, onde traballa como xestor de programas europeos. En 2019 publicou a novela, O coala (Edicións do Peirao) e en 2022 o libro de relatos Dezanove comunas e un aeroporto (Morgante).